(ភ្នំពេញ)៖ តារាសម្ដែងសិចស៊ី មាត់ឆៅ កញ្ញា ដេននី ក្វាន់ មួយរយៈនេះ ហាក់ដូចជាមិនសូវទំនេរមាត់ប៉ុន្មានឡើយ តាមការកត់សម្គាល់នាងតែងចេញមុខព្រលះ យ៉ាងចាស់ដៃ ចំពោះបុគ្គលរូបណា ដែលតែងតែជ្រាជ្រែកសេចក្តីសុខរបស់ខ្លួន ដោយមិនរើសមុខថា បុគ្គលរូបនេះជាមនុស្សស្រី ឬប្រុស ឬមានអំណាចនោះឡើយ ពោលគឺ ដេននី បញ្ចេញមួយប្រយោគៗ អាចធ្វើឲ្យភាគីជម្លោះចត់បាយ ស្ទើរមួយខែ។
ជាក់ស្តែងថ្មីៗនេះ ដេននី ខ្វាន់ បានជះកំហឹងខ្លាំងៗថា «កុំឲ្យអញដឹងនិងឮទៀតឲ្យសោះថា នាងឯងនិយាយមិនល្អពីអញ មុនថាឲ្យអញឆ្លុះកញ្ចក់មើលខ្លួននាងឯងផង បើនាងឯងល្អមែន មិនមែនភ្ជាប់ពាក្យបានបីឬបួនខែផង គេផ្តាច់ពាក្យវិញទេ..។ ទទួលស្គាល់ថា យើងមិនដល់នាងឯងទេ ព្រោះយើងមិនចេះអារឿង មានតែឡានមួយនឹង ជិះដើរទាក់ប្រុសដូចនាងឯងទេ…!»។
តារាសម្តែងរូបស្រស់កញ្ញា ដេននី ក្វាន់ បានបន្ថែមថា «ខ្ញុំក៏មិនមានប្រវត្តិ គេចាប់គេចងដូចនាងឯងដែរ..មីចោនឹងលើរង្គើរក្រោមឯង គង់តែអញទៅហែកដល់ផ្ទះទេ..។ មាត់នាងឯងពូកែណាស់ អានិយាយពីគេនឹង..ពូជនាងឯងយើងស្គាល់ច្បាស់ណាស់ អាពូជដើរទាក់ប្រុសទាំងបងទាំងប្អូននឹង នាងឯងថាយើងពាក់មាសមើលទៅស្រែៗ ចុះនាងឯងពាក់ពេជ្រហ្នឹង ពេជ្រពិតឬអត់? យើងស៊ូពាក់មាសឲ្យតែវាជារបស់ពិត!»។
សូមបញ្ជាក់ថា តារាសម្តែងកញ្ញា ដេននី ក្វាន់ ទោះបីជានាងត្រូវបានក្រសួងផ្អាក ពីសិល្បៈរយៈពេលមួយឆ្នាំពេញក៏ពិតមែន ប៉ុន្តែនាងនៅតែបន្តលេចធ្លោតាមរយៈ សកម្មភាពជួយសង្គម ចែករំលែកក្តីស្រឡាញ់ ដល់កុមារក្រីក្រនៅតាមបណ្តាខេត្ត ដាច់ស្រយ៉ាលមួយចំនួនជាដើម៕
ប្រភព : khmertalking