អង់គ្លេស៖ គ្រូបង្វឹកលោក Tony Pulis ត្រូវបានក្លិប West Brom បណ្ដេញចេញពីតំណែងហើយកាលពីយប់ម្សិលមិញនេះ ក្រោយដឹកនាំក្រុម បរាជ័យទៅលើក្រុមម្ចាស់ជើងឯករដូវកាលមុន Chelsea ក្នុងទឹកដីខ្លួនឯងដោយលទ្ធផល ៤-០ កាលពីថៃ្ងសៅរ៍ កន្លងទៅ។
អ្នកចាត់ការសញ្ជាតិវែលរូបនេះ ជួយ West Brom ឈរលេខ១៧មានគម្លាត១ពិន្ទុប៉ុណ្ណោះ លើក្រុមស្ថិតនៅតំបន់គេកាត់ចោល ហើយឈ្នះតែ២ដងគត់ ក្នុងការប្រកួតកន្លងមក ខណៈប្រកួតលើកចុងក្រោយគឺចាញ់ Chelsea ៤-០ នៅផ្ទះខ្លួនឯង ដែលជាការបរាជ័យលើកទី៦រដូវកាលនេះ។
ជាមួយនឹងលទ្ធផលមិនគាប់ប្រសើរ ក៏ដូចជាអ្នកគាំទ្រមិនពេញចិត្ដចំពោះការដឹកនាំរបស់គ្រូបង្វឹកនេះ ម្ចាស់ក្លិប West Brom ក៏បានសម្រេចបញ្ឈប់លោក Tony Pulis តែម្ដង។
ទន្ទឹមនឹងនេះផងដែរ បេក្ខភាពគ្រូបង្វឹកដែលអាចនឹងឡើងមកដឹកនាំក្រុម West Brom មានដូចជា លោក Nigel Pearson លោក Alan Pardew និងអតីតអ្នកចាត់ការក្រុមជម្រើសជាតិអង់គ្លេស លោក Sam Allardyce៕
