បរទេស៖ ការតុបតែងគឺពិតជាមានសារៈសំខាន់ខ្លាំងណាស់ ព្រោះវាបង្ហាញឲ្យឃើញពីភាពប៉ិនប្រសប់នៃសិល្បៈក្នុងការរៀបចំដើម្បីឲ្យមានភាពខុសប្លែក ហើយព្រមទាំងទទួលបានការចាប់អារម្មណ៍ពីសំណាក់អ្ននទស្សនាផងដែរ។ ប្រហែលជាមានប្រិយមិត្តមួយចំនួនធ្លាប់តែមានការចាប់អារម្មណ៍ច្រើនទៅលើការតុបតែងនូវម៉ូតអគារខ្ពស់ៗ ម៉ូតផ្ទះ ឬម៉ូតស្ពាន ជាដើម។ ដោយឡែកថ្ងៃនេះ ខ្មែរឡូត បាននាំយកនូវទស្សនីយភាពរបស់កន្លែងទេសចរណ៍ធម្មជាតិ និងកន្លែងទេសចរណ៍កែច្នៃចំនួន ១០កន្លែងដែលមានភាពស្រស់ស្អាតបំផុត ព្រមទាំងមានរចនាបថប្លែកៗផងដែរ។ ដើម្បីឲ្យជ្រាបពីទីកន្លែងទាំងនោះកាន់តែច្បាស់ តោះតាមដានទស្សនាទាំងអស់គ្នា៖
១០. The High-Heel Wedding Church, ស្ថិតនៅកោះតៃវ៉ាន់
វាគឺជាព្រះវិហារមួយដែលបានសាងសង់ឡើងចេញជារូបរាងស្បែកជើងកែងខ្ពស់ ដែលមានកំពស់ ១៦.៧៦ ម៉ែត្រ ហើយមានការរចនាដោយការប្រើប្រាស់កញ្ចក់ពណ៌ខៀវគួរជាទីពេញចិត្ត។ អគារមួយនេះត្រូវបានសាងសង់ឡើង ដោយយកគំរូតាមស្បែកជើងកែងនៃរឿងព្រះនាង Cinderella។ ទីបំផុត វាក្លាយទៅជាអគារមួយដែលមានការពេញនិយមខ្លាំងពីសំណាក់ភ្ញៀវជាតិ និងអន្តរជាតិមកធ្វើការទស្សនាដើម្បីបន្ធូរអារម្មណ៍។
៩. Beaujolais Nouveau Spa, ស្ថិតនៅក្នុងប្រទេសជប៉ុន
កន្លែងមួយនេះមានទីតាំងស្ថិតនៅក្នុង រីសត មួយដែលមានឈ្មោះថា Yunessun Spa នៃប្រទេសជប៉ុន។ ទីកន្លែងមួយនេះត្រូវបានរចនាឲ្យចេញជារូបរាងជាចតុកោណកែងមួយ ហើយមានជម្រៅ ៣.៦ម៉ែត្រផងដែរ។ អ្វីដែលកាន់តែពិសេសនោះគឺ ភ្ញៀវទេសចរដែលទៅកម្សាន្តនៅទីនោះអាចធ្វើការចុះងូតទឹកនៅក្នងអាងបានដោយសេរី ហើយក្រេបរសជាតិស្រាក្រហមនៅក្នុងអាងនោះបានផ្ទាល់តែម្តងទៀតផង។
៨. The Wizarding Word of Harry Potter, ស្ថិតនៅក្នុងរដ្ឋ ផ្លរីដា នៃសហរដ្ឋអាមេរិក
ទីកន្លែងមួយនេះមានផ្ទៃដីរហូតដល់ ៨ហិចតាឯណោះ។ អ្វីដែលជាចំនុចពិសេសរបស់ស្ទីឌីយូមួយនេះគឺ វាជាកន្លែងរក្សាសៀវភៅដូចដែលមាននៅក្នុងរឿង Harry Potter យ៉ាងដូច្នេះដែរ។ វាត្រូវបានគេចាត់ទុកថា ជាកន្លែងមួយដែលមានរចនាបថល្អគួរជាទីចាប់អារម្មណ៍។
៧. Bubblegum Alley, ស្ថិតនៅក្នុងរដ្ឋ កាលីហ្វ័រញ៉ា នៃសហរដ្ឋអាមេរិក
ផ្លូវថ្មើរជើងមួយនេះត្រូវបានបង្កើតឡើងដោយមានកំពស់ ៤.៥៧ ម៉ែត្រ។ នៅផ្នែកនៃជញ្ជាំងគឺមានកាវស្អិត ដែលអនុញ្ញាត្តឲ្យភ្ញៀវទេសចរធ្វើការបិទរូបដែលខ្លួនចង់បាន។ កន្លែងមួយនេះត្រូវបានគេចាត់ទុកជាតំបន់ទេសចរណ៍មួយដែលមានភាពល្បីខ្លាំង។
៦. The Petrifying Well, ស្ថិតនៅក្នុងប្រទេសអង់គ្លេស
កន្លែងមួយនេះមានការចាប់អារម្មណ៍ខ្លាំងពីសំណាក់ភ្ញៀវទេសចរ ព្រោះពួកគេអាចយកវត្ថុអ្វីមួយទៅចងតម្កល់ឲ្យទឹកធ្លាក់លើ ហើយវត្ថុនោះនឹងក្លាយទៅជារឹងដូចដុំថ្មអីចឹង។ គេបានចាត់ទុកកន្លែងនេះនៅក្នុងចំណាត់ថ្នាក់ទី៦ ដែលមានភាពទាក់ទាញជាងគេ ដោយសារតែចំនុចពិសេសរបស់វានេះឯង។
៥. Karni Mata Temple, ស្ថិតនៅក្នុងប្រទេសឥណ្ឌា
កន្លែងមួយនេះគឺជាទីជម្រករបស់សត្វកណ្តុរ ដែលអ្នកស្រុកនៅក្នុងតំបន់នោះធ្វើការថ្វាយបង្គំគោរព ដោយចាត់ទុកថា កណ្តុរទាំងនោះគឺជាសត្វមានបុណ្យ។ ប្រសិនបើអ្នកចង់ចូលទៅក្នុងប្រាសាទនោះ អ្នកត្រូវដោះស្បែកជើងជាមុនសិន។ ចំនុចដែលពិសេសទៅទៀតនោះគឺ ប្រសិនបើអ្នកបានទទួលទានកាកសំណល់ដែលកណ្តុរស៊ីហើយនៅសល់ នោះអ្នកត្រូវបានគេចាត់ទុកថា ជាអ្នកដែលទទួលបានការប្រទានពរពិសេសពីសត្វកណ្តុរមានបុណ្យទាំងនោះ។
៤. Avanos Hair Museum, ស្ថិតនៅក្នុងប្រទេស តួកគី
សារមន្ទីមួយនេះត្រូវបានបើកឲ្យដំណើរការនៅក្នុងឆ្នាំ១៩៧៩ ក្រោយពេលដែលអ្នកសូនឆ្នាំង បានបែកបាក់ជាមួយនឹងមិត្តស្រីរបស់គាត់។ មុនពេលនៃការបែកបាក់គ្នា អ្នកសូនឆ្នាំងបានធ្វើការស្នើសុំវត្ថុអនុស្សាវរីយមួយពីមិត្តស្រីគាត់ ហើយនាងក៏បានឲ្យសរសៃសក់របស់នាងទៅគាត់ រួចនាងក៏ចាកចេញទៅ។ នៅពេលនោះ បុរសអ្នកសូនឆ្នាំងក៏បានយកសរសៃសក់របស់នាងទៅបិតលើជញ្ជាំង ហើយនៅពេលដែលអ្នកទស្សនាចូលទៅ ពួកគេក៏បានកាត់សរសៃសក់ពួកគេយកទៅបិតលើជញ្ជាំងដែរ។ បច្ចុប្បន្ននេះ មានផ្នត់សក់ចំនួន ១៦ ០០០ ហើយដែលបិតនៅលើជញ្ជាំង។
៣. Carhenge, ស្ថិតនៅក្នុងរដ្ឋ Nebraska នៃសហរដ្ឋអាមេរិក
កន្លែងមួយនេះត្រូវបានបង្កើតឡើងក្នុងគោលបំណងដើម្បីធ្វើជាកន្លែងអនុស្សាវរីយ៍តំណាងឲ្យម៉ូតឡានចាស់ៗរបស់អាមេរិក ដែលបានបង្កើតឡើងនៅក្នុងឆ្នាំ១៩១៧ ដល់១៩៣០។ គ្រប់ឡានដែលមានពណ៌ប្រផេះ គឺត្រូវរៀបជារង្វង់ ចំណែកឯរថយន្តដែលនៅជុំវិញត្រូវលាបដោយប្រភេទពណ៌ចម្រុះដើម្បីបង្កើតសិល្បៈនៃរចនាបថ។
២. The White Restaurant, ស្ថិតនៅរដ្ឋ Georgia នៃសហរដ្ឋអាមេរិក
ភោជនីយដ្ឋានមួយនេះពិតជាទទួលបានការចាប់អារម្មណ៍ខ្លាំងមែនទែន ព្រោះតែរូបរាងនៃការរចនាបថរបស់វា គឺមានសភាពខុសប្លែកពីគេទាំងអស់។ មិនត្រឹមតែមានភាពខុសប្លែកពីគេប៉ុណ្ណោះទេ តែមុខម្ហូបនៅទីនោះ ក៏មានរសជាតិឆ្ងាញ់ពិសាថែមទៀត។
១. The Wang Saen Suk Hell Garden, ស្ថិតនៅប្រទេសថៃ
សួនកំសាន្តមួយនេះត្រូវបានរចនាឡើងក្នុងបែបបទជាឋាននរក។ វាត្រូវបានបង្កើតឡើងក្នុងគោលបំណងឲ្យមនុស្សបានដឹងថា នៅពេលដែលអ្នកប្រព្រឹត្តិអំពើបាប តើអ្នកនឹងទទួលបានអ្វី?
